د طالبانو د مرکچي پلاوي مشر شېخ الحديث مولوي عبدالحکيم د مولوي خدايداد زوی، د کندهار د ميوند ولسوالۍ، بندي تېموز سيمې، ښکته کلي کې زېږيدلاى. په قام ساکزى/اسحاقزى دى. شېخ عبدالحکیم د طالبانو د تحريک په سر کې د ملامحمد عمر اخند د جهادي مدرسې استاز، وروسته معتميم او د ملا عمر يو له نژدي سلاکارنو څخه وو چې له ۲۰۰۲ کال راهسي د طالبانو قاضي القضات دى. په تحريک کي د امريکا تر يرغل راوروسته د مهمو پريکړو او مشورو د سر سړی دى.مشر ورور ئې ملا عبدالسلام د ميوند د جهادي نوميالو څخه و چي د روسي ښکلاک په وړاندي جنګېدى او په ۱۹۸۵ عيسوي کې د روسانو لخوا په ميوند کې شهيد شو. طالبانو کې د ملا عبدالقيوم ذاکر په څېر ه تکړه کومندان او ملګري لري. د نيولشوې پښتونخوا کوټې ښار اسحاق اباد (چالو باوړۍ) کې د يوې سترې مدرسې دارالعلوم بنسټګر دى چې په زرګونو افغانان يې د علم په جامه سمبال کړي. همدې کال پيل کې، په دغه مدرسه کې يوه ستره چاودنه وشوه، دغه پېښه کې شيخ حکېم ورور ملا عبدالحليم او وراره ملا عبدالعلي دواړه شهيدان شول. ويل کېږي پر مدرسه بريد دده د وژلو هڅه وه چې لامل يې د شيخ لخوا د افغان جګړې په سياسي او سوليز حل ټينګار کېداى شي. د ملاعمر ډېر نژدې کس ملا عبدالجبار له خولې ويل کېږي چې ملا عمر هغه ته وويلي وو چې دده د مرګ خبر شيخ عبدالحکيم ته ورسوي، هغه وو چې ملاجبار، شيخ حکيم په ټليفون خبر کړ او تر هغه وروسته ملا اختر محمد منصور، د شيخ حکيم په مشوره د طالبانو مشر وټاکل شو. شيخ دروند، حليم خو د غوځ دريځ خو د ډېر کرار او ژور فکر څښتن دى. ځانګړي ډول د افغانستان د روان سياست او جګړې څخه ژوره پوهه لري. په عمر ځوان خو پوخ عالم دى د اکوړي خټک له حقانيه مدرسې څخه فارغ شوى، پرلپسې د الحديث دورې شېخ پاتې شوى، د نورو علومو ترڅنګ فقهه کې ډېر برلاسى دى. سولي ته ژمن، سوله غوښتونکى او عالم کس دى چې د تالبانو مشر ملا هبت الله اخوندزاده، شېخ عبدالحکېم د طالبانو د مرکچي پلاوي مشرتابه لپاره د رهبري شورا په مشوره وړانديز شوى. شيخ حکيم د طالبانو مشرتابه شورا د مهمو غړو څخه شمېرل کېږي چې نورو غړو سره ښې اړيکې لري او وسلوالو طالبانو ته منلى کس دى چې د سولې بهير مشرۍ لپاره ډېر وړ کس کېداى شي. يادونه: د لېوال ښې حکومتولى پروګرام، پتيلې چې د دوحې د سولې تاريخي بهير وڅاري. د افغانستان د اسلامي دولت او د افغانستان د اسلامي امارت مرکچي پلاوو غړو پېژندلو کې ولس سره مرسته وکړي او د هغوى کړه وړه تاريخ ته وسپاري. د تاريخ زدکړيلانو ته بلنه ورکوو چې زموږ سره ملتيا وکړي . همدرانګه هڅه روانه ده چې دريمګړي ولسي لوري رامنځته کولو کې هم خپله ملي، ديني او ولسي دنده ترسره کړي. له ټولو هېوادوالو، مرکچي پلاويو له غړو، دريمګړو او د بهير له مينوالو څخه هيله کوو چې موږ سره خپل مالومات شري کړئ او د پورتنيو مالوماتوپه سمون کې مرسته وکړي.